2021- 03 - 06   |   بحث في الموقع  
logo الدولار على عتبة الـ11 ألف ليرة.. والطرقات مقطوعة إحتجاجا logo قطع طريقي حلبا ـ القبيات والعبدة ـ حلبا logo البنك الدولي يوافق على دعم مصر بـ 440 مليون دولار logo منظمة الصحة العالمية: لا نوصي بإنشاء شهادات التطعيم للمسافرين logo تزامنا مع وصول الدولار لمستويات مخيفة.. اليكم الطرقات المقطوعة حتى الآن logo دياب: لبنان بلغ حافة الانفجار بعد الانهيار logo هذا ما أعلنه رئيس الوزراء ​العراقي لمناسبة اللقاء التاريخي بين قطبي ​السلام​ والتسامح logo المطران مظلوم​: لجنة الحوار المشتركة بين ​بكركي​ و​حزب الله​ ستستأنف إجتماعاتها
إعلامية لبنانية أصيبت بكورونا.. “حسيت الدني رح تخلص”
2021-01-16 19:26:23

أعلنت الإعلامية جويل بو يونس عبر صفحتها على الفايسبوك إصابتها بكورونا، وكتبت: “صرلي اكتر من 10 ايام غايبة عن شغلي بـ “او تي في” لانو انصبت بكورونا، بعد كم يوم، بدي عيد الفحص انشالله اطلع negative، انا ما اعلنت اول اصابتي لانو حسيت ما رح فيد بشي (علما انو دقيت لكل الي شفتون وخبرتون)


وأضافت: “اليوم انا عم بكتب لخبركن عن شيء ممكن يفيدكن وعن تجربة شخصية انا عشتا: كورونا مش مزحة وكورونا منا رشح عادي، في ليلتين بكيت فيون من وجع الجسم والعضم وكل عضلة، وفي نهار قشط ضغطي وصفرنت وحسيت الدني رح تخلص..عملت دقات قلب سريعة وبعدني لهلق اذا بحكي بتعب واذا بقوم من محل لتاني بقلب البيت بتعب… انا كنت مستلشأة ساعة حط الكمامة وساعة ما حطا… صدقوني بس تنصابوا بالكورونا بيصير الف فكر ياخدكن ويجيبكن.. بتصيرو تحسو ادي حلوي اسخف الاشيا بالحياة… انا اشتقت لابسط امور… اشتقت اطلع عالشمس اشتقت شوف امي ولو عن بعيد واشرب معا قهوة ولو عن بعيد… اشتقت قوم عالشغل وروح عال او تي في  ولو الصبح من قبل الضو وهيدي الشغلي اللي كنت نق عليا، الوعية الصبح. اشتقت احكي واحكي واحكي بلا تعب… ولو هالحكي السريع كان يزعج البعض عالهوا… اخواتي 3 انعديوا كورونا كمان وصاحبتي دنيا اكلتا معي بس المهم ما عدينا اهلنا! انتو انتبهوا على حالكن انتبهوا على اهلكن..اذا نحنا وهيك كورونا عم تعمل فينا كيف الكبار! صدقوني كورونا بتوجع وبتبكي وبتحبطكن. (وهيدا الشق النفسي اللي بتتركوا فيكن) الحمد الله انا احسن شوي بس بعدني بتعب كتير”.





وكالات



ملاحظة : نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات. إن كل ما ينشر من مقالات وأخبار ونشاطات وتعليقات، لا تعبر بأي شكل من الأشكال عن رأي الموقع الذي لا يتحمّل أي أعباء معنويّة أو ماديّة من جرّائها.


التعليقات

لارسال تعليق يرجى تعبئة الحقول الإلزامية التالية

الاسم الكامل: اختياري *الرسالة : مطلوب

 البريد الالكتروني : اختياري

 الدولة : اختياري

 عنوان الرسالة : اختياري

 



INN LEBANON

اشترك و أضف بريدك لتلقي الأخبار

تابعونا على مواقع التواصل الاجتماعية
INN LEBANON ALL RIGHTS RESERVED 2021
top