2021- 05 - 18   |   بحث في الموقع  
logo قيومجيان: من مظاهر سقوط الحكم الرديء ارتهان سياسته الخارجية للدفاع عن سلاح حزب الله logo هاشم: نطالب الحكومة بتحريك ملف العدوان على جنوب لبنان امام كل المحافل الدولية logo إضراب عام في المناطق الفلسطينية احتجاجا على العدوان الإسرائيلي logo الجيش اللبناني: وصول عناصر من الجيش الأردني للمشاركة في تمرين مشترك logo بلقيس وسيف نبيل في ممكن.. خلطة سحرية مكوناتها كل عناصر النجاح logo واشنطن تعرض 10 ملايين دولار لقاء معلومات عن ممول لـ″حزب الله″.. اليكم التفاصيل logo من أطلق الصواريخ من لبنان؟ logo وديع الخازن استغرب كيف يحجم المسؤولون اللبنانيون المكلّفون في التأليف عن إنجاز مهمّتهم الدستورية
بيروت... ما تزعلي مني!
2020-07-13 19:17:27

انا ما تخليت عنك، وما تركتك بوقت الشدّة
انا بقيت صامدة ودافع عنك بالرغم من كل شي انقال
عرضك وشرفك يا بيروت من عرضي وشرفي
شفتك احلى من الكل
شفتك عروس مكللي
وكل زهرة فيك بتدل لمطرح كأنك بغير دني
شو بدي قول لقول
من جبيل لصور ولاّ بعلبك واهدن وصيدا والشوف
ولك انت احلى عروس
اهلي بعكّار حبوكي
وخوالي ببنت جبيل دايما بينطروكي عالمشاوي والتبوله
واهل جدّي بزحله دايما بيقولولي
جيبي عروستنا بيروت لنسهر ولعيونك اطيب منقوشي
قلتلن بيروت مش على بعضها هل الكم يوم
والكم بيوم صاروا كم شهر
والكم شهر صاروا سنين
وصار الحكي يطلع عليكي يا بيروت وانا دافع وقلّن
هيدي دمّي وشرفي وعرضي
قالولي سرقوكي ما صدقتن
قالولي اغتصبوكي ما صدقتن
قالولي نهبوكي قلتن بيروت قويه
قالولي يلعن ابو بيروت
قلتن يلعن ابو كل مين مد ايدوا عليها
بيروت مش هيك!! ما تخافي.. أنا بعرفك كتير منيح
بس سامحيني
هل المرّة ما قدرت اوقف بوجهن لدافع عنّك
هل المرّة انا قررت فل ولاقي لالي بيروت تانيه ما تخذلني
انا قلتلن بيروت وفيّة
قلتلن بيروت بتستاهل ابني معها مستقبلي ومستقبل ولادي
بس انت يا بيروت ما بقى منك شي... كل واحد اخد شقفه منك!
واصبح عرضك منهوك وشرفك ملعون واكليل الزهر فرط وصار كل شقفه بلون
وهيدا بيقلك هيدي الي وهيدي القطعه الك
وانا ما بقالي منك شي غير الذكره والصور القديمه
حضل حبّك وحضل قول "يوما ما.. كان هناك بيروت!"
بقلم: هبة م. دلاّل


بقلم : هبة دلال



كلمات دلالية:  بيروت يا شي منك عنك وشرفك جبيل مش
ملاحظة : نرجو ممن يرغب بإضافة تعليق، صياغته بلغة لائقة بعيدة عن القدح والذم والتحريض المختلف أو المسّ بالكرامات. إن كل ما ينشر من مقالات وأخبار ونشاطات وتعليقات، لا تعبر بأي شكل من الأشكال عن رأي الموقع الذي لا يتحمّل أي أعباء معنويّة أو ماديّة من جرّائها.


التعليقات

لارسال تعليق يرجى تعبئة الحقول الإلزامية التالية

الاسم الكامل: اختياري *الرسالة : مطلوب

 البريد الالكتروني : اختياري

 الدولة : اختياري

 عنوان الرسالة : اختياري

 



INN LEBANON

اشترك و أضف بريدك لتلقي الأخبار

تابعونا على مواقع التواصل الاجتماعية
INN LEBANON ALL RIGHTS RESERVED 2021
top